Ouschteren, Chrëschtdag, d'Oktave, d'Sprangpressessioun eng Daf an der Famill – fir mech, als praktizéierende Chrëscht, sinn déi verschidde Feierdeeg am Laf vum Joer an déi dozou gehéierend Bräich e wesentlechen Deel vum Liewen. Si ginn dem Joer e Rhythmus a bréngen d'Leit zesummen – um Dësch, an der Kierch oder um Maart. A mengem Atelier schafen ech Stécker, déi zu dësen Uleies passen: vun Ouschterdekoratioun bis hin zu Artikele fir de Chrëschtmaart. Am Fréijoer fannt Dir bei mir Huesen, Eeërbecher a kleng Ouschterschësselcher; am Hierscht fänken ech un Krëppercher, Stären a Käerzestänneren asw. fir d'Adventszäit hierzestellen. Ech maachen och gär personaliséiert Stécker fir déi grouss Etappen am Liewen: z.B en Dafteller oder Dëppercher fir Dragéen mat Numm an Datum, eng Erënnerung un d'éischt Kommioun oder en Hochzäitsgeschenk. Awer och Kaddoe fir e Gebuertsdag oder soss e Fest oder Geschier fir de Fest an Alldag.  Sot mir einfach, ëm wat fir en Uleies et sech handelt, an mir fannen zesummen dat perfekt Stéck. A well net all Dag e Feierdag ass, maachen ech och robust Geschier fir den Alldag – Tasen, Telleren a Schosselen, déi gutt an der Hand leien an sech perfekt fir d'Spullmaschinn eegenen.